ՌԴ-ում սպանվել է պատգամավոր Ալեքսանդր Կոլոդիչը․ կնոջը նույնպես վնասել են
Ռուսաստանի մայրաքաղաք Մոսկվայի կազմում ընդգրկված Նոր Մոսկվայի շրջանում սպանվել է Յուգրայի պատգամավոր Ալեքսանդր Կոլոդիչը։ Այս մասին հայտնում են ռուսական լրատվամիջոցները։
58-ամյա պատգամավորի դին հայտնաբերվել է առանձնատան նկուղում՝ բռնի մահվան նախանշաններով։
Ոստիկանները հայտնաբերել են նաև սպանվածի 55-ամյա կնոջը՝ բժիշկները կնոջ մոտ դանակի բազմաթիվ հարվածներ են ախտորոշել։ Նա հոսպիտալացված է։
Նշենք նաև, որ ամուսնական զույգի վրա հարձակվելու կասկածանքով բերման է ենթարկվել մի աշխատող, ով օգնում էր նրանց անձնական հողամասի մշակման հարցում։
