ՏԵՍԱՆՅՈՒԹ. «Սա ձև չի». Երևանի ավագանու անդամը` շինաշխատանքների նորմերի պահպանման մասին
Երևանի քաղաքապետարան / Yerevan Municipality , Քանաքեռ-Զեյթուն Վարչական Շրջան Ահարոնյան փողոցում շինաշխատանքների նորմերի պահպանմանը, խնդրում եմ, հետևեք։ Այս մասին ֆեյսբուքյան իր էջում գրել է Երևանի քաղաքապետարանի ավագանու անդամ Իզաբելլա Աբգարյանը և կից տեսանյութ հրապարակել:
«Հետո կասենք, որ օդում փոշու մակարդակը բարձր ա։ Մոտակա շենքերի բնակիչները խեղդվում են` շոգին փակ պատուհաններով»,- գրել է Աբգարյանը
Վերջում հավելել. «Սա ձև չի»:
Ավելի վաղ փոխքաղաքպետ Ավինյանը ասել էր, որ պետք է շինարարության համար պարտադիր պահանջ լինի փոշորսիչ ցանցեր տեղադրելը. «Մեր ուշադրության կենտրոնում պիտի լինի այս խնդիրը։ Երևանում օդի վատ որակի պատճառներից մեկը շինարարությունից բխող մեծ ծավալի փոշին է, հետևաբար, վերահսկողությունը պետք է իրականացնենք ավելի խիստ»։
