ՏԵՍԱՆՅՈՒԹ. Ավետիս Ահարոնյան 2 շենքի հարակից հատվածի ծառերն ապօրինաբար հատում և կոտրում են. քաղաքացի
Ավետիս Ահարոնյան 2 շենքի հարակից հատվածի ծառերն ապօրինաբար հատում և կոտրում են: Auroranews-ն ահազանգ է ստացել:
Ահազանգած քաղաքացին մեզ հետ զրույցում մասնավորապես նշեց, որ ծառերը գիշերն են հատում, որպեսզի բնակիչները չդժգոհեն, բայց դժգոհում են: Նա նաև հավելեց, որ ծառերի մոտ 40%-ն արդեն հատել են:
Հիշեցնենք` ավելի վաղ Երևանի քաղաքապետարանի ավագանու անդամ Իզաբելլա Աբգարյանը ֆեյսբուքյան իր էջում գրել էր` Ահարոնյան փողոցում շինաշխատանքների նորմերի պահպանմանը, խնդրում եմ, հետևեք։
«Հետո կասենք, որ օդում փոշու մակարդակը բարձր ա։ Մոտակա շենքերի բնակիչները խեղդվում են` շոգին փակ պատուհաններով»,- գրել էր Աբգարյանը:
