ՏԵՍԱՆՅՈՒԹ. Հրապարակվել են գերմանական Leopard 2 այրվող տանկի կադրերը
ՌԴ-ի Պաշտպանության նախարարությունը ցուցադրել է Զապորոժյեի ուղղությամբ Ուկրաինայի Զինված ուժերի զրահատեխնիկայի ոչնչացման կադրերը։ Տեսանյութը հրապարակվել է գերատեսչության Telegram ալիքում։
Կադրերում երեւում է ուկրաինական զրահատեխնիկայի շարասյունը, այդ թվում՝ գերմանական Leopard 2 տանկերը, որոնցից մեկի պտուտահաստոցից ծուխ է դուրս գալիս, տանկն այրվում է։ Մյուս Leopard 2-ները, դատելով հրապարակված գրառումից, նույնպես անշարժացված են։
Ավելի վաղ ՌԴ պաշտպանության նախարար Սերգեյ Շոյգուն հայտարարել էր, որ հունիսի 8-ի գիշերը Ուկրաինայի Զինված ուժերը Զապորոժյեի ուղղությամբ փորձել են ճեղքել ռուսական պաշտպանությունը։ Հետախուզությունը ժամանակին հայտնաբերել է հակառակորդի ստորաբաժանումները, որից հետո ձեռնարկվել է կանխարգելիչ հարված, նշել է ՊՆ ղեկավարը։
