Արևմուտքը ստիպում է նախկին ԽՍՀՄ շատ երկրների հրաժարվել ռուսաց լեզվից․ Պատրուշև
Ռուսաստանի Դաշնության Անվտանգության խորհրդի քարտուղար Նիկոլայ Պատրուշևը հայտարարել է Արևմուտքի փորձերի մասին՝ ստիպելու նախկին ԽՍՀՄ առանձին երկրներին հրաժարվել ռուսաց լեզվից, ընդհանուր մշակութային ու հոգևոր ավանդույթներից։ Այս մասին տեղեկանում ենք ТАСС-ից։
«Այսօր Արևմուտքը նախկին Խորհրդային Միության շատ երկրների ստիպում է հրաժարվել ռուսաց լեզվից, գիտության, մշակույթի և կրթության հաջողված ավանդույթներից: Նա մտադիր է վերափոխել մեր ժողովուրդների գիտակցությունն ու հոգևորությունը արևմտյան մոդելի համաձայն»,- ասել է Պատրուշևը Բելառուսի Անվտանգության խորհրդի պետքարտուղար Ալեքսանդր Վոլֆովիչի հետ հանդիպմանը։
Անվտանգության խորհրդի քարտուղարի կարծիքով՝ «ռուսաց լեզվի ուսումնասիրությունն ու վերադարձն ավանդական կրթական համակարգին կնպաստեն երկրների տնտեսական զարգացմանն ու բարգավաճմանը»։
