Վրաստանի վարչապետն ասել է՝ ինչու ինքն ու Զելենսկին իրար չեն բարևել Մոլդովայում
Վրաստանի վարչապետ Իրակլի Ղարիբաշվիլին տարօրինակ չի համարում, որ ինքն ու Ուկրաինայի նախագահ Վլադիմիր Զելենսկին միմյանց չեն բարևել Մոլդովայում կայացած գագաթնաժողովում: Այս մասին հայտնում է ՌԻԱ Նովոստին։
«Իրականում ամեն ինչ շատ պարզ է։ Երբ նայում եմ ձեզ՝ լրագրողներիդ, և տեսնում եմ, թե ինչ էկատարվում լրատվամիջոցներում և դեգրադացված ընդդիմությունում, ծիծաղս գալիս է։ Առանձնապես ոչինչ չկար։ Այնտեղ 45 երկրի առաջնորդներ կային, և 5-6–ը, գուցե առավելագույնը 10-ն են հանդիպել Զելենսկուն։ Զելենսկու ձեռքը սեղմելու համար հերթ չի եղել»,- ասել է Ղարիբաշվիլին։
Հիշեցնենք` Եվրոպական քաղաքական համայնքի գագաթաժողովը Քիշնևում տեղի է ունեցել հունիսի սկզբին:
