Ուլյանովսկում դատարանը բանտ է ուղարկել 30 մարդու մահվան պատճառ դարձած թունավոր խնձորօղու արտադրողին

Ուլյանովսկի դատարանը երկու ամսով կալանավորել է բիզնեսմեն, Mister Cider ըմպելիքի արտադրող Անար Հուսեյնովին։ Միաժամանակ գործարարը հանդիպման ժամանակ չի ընդունել իր մեղքը։ 

Հիշեցնենք, որ կեղծ սիդրի պատճառով արդեն մահացել է 30 մարդ, 20-ը՝ Ուլյանովսկի մարզում, յոթը՝ Սամարայի շրջանում, երկուսը Նիժնի Նովգորոդի մարզում և մեկը՝ Ուդմուրտիայում։ Ռոսպոտրեբնադզորի մասնագետներն արդեն առգրավել են 37,6 հազար լիտր վտանգավոր ըմպելիք։ Մարդկանց մահվան փաստով քրեական գործ է հարուցվել, որի շրջանակներում կալանավորվել է ոչ միայն գործարար Հուսեյնովը, այլև նրա ընկերության երկու մենեջերներ և գլխավոր հաշվապահը։