ԱՄՆ-ում անհամբերությամբ սպասում են ՀՀ-ի և Ադրբեջանի ԱԳ նախարարների հանդիպմանը. Վեդանտ Պատել
ԱՄՆ պետդեպարտամենտի խոսնակի առաջին տեղակալ Վեդանտ Պատելը, անդրադառնալով հարցին` արդյոք առաջիկայում նախատեսվում է Վաշինգտոնում ևս մեկ բանակցություն անցկացնել Երևանի և Բաքվի միջև, նշել է.
«Դեռ հստակ ժամկետներ չկան, որպեսզի որևէ բան կարողանամ ասել։ Բայց կարող եմ ասել, որ մենք անհամբերությամբ սպասում ենք բանակցությունների հերթական փուլի անցկացմանը Վաշինգտոնում այս ամսվա վերջին։ Կողմերը շարունակում են ձգտել, որպեսզի Հարավային Կովկասի տարածաշրջանում խաղաղ ապագա հաստատվի»,– հայտնել է Պատելը։
Ճեպազրույցի ժամանակ նա նշել է, որ ԱՄՆ–ն անհամբերությամբ սպասում է Հայաստանի և Ադրբեջանի ԱԳ նախարարների միջև բանակցությունների հերթական փուլի անցկացմանն այս ամսվա վերջին։ ԱՄՆ պետդեպարտամենտի ներկայացուցիչը շեշտել է` ԱՄՆ–ն ուրախ է, որ Հայաստանի և Ադրբեջանի միջև բանակցությունները շարունակվում են տարբեր հարթակներում։
