Էրդողանը հրապարակել է կառավարության նոր կազմը. հին կազմից գրեթե ոչ ոք չի մնացել
Թուրքիայի նախագահ Ռեջեփ Էրդողանը երդմնակալության արարողությունից հետո՝ ուշ երեկոյան հայտնի է դարձել երկրի կառավարության նոր կազմը։ Հին կազմից գրեթե ոչ ոք չի մնացել, իսկ նորանշանակ նախարարների մեծ մասը ուսումնառություն ստացել են Եվրոպայում ու ԱՄՆ-ում, տեղեկացնում է ՌԻԱ Նովոստին։
Եվ ասյպես՝ փոխնախագահի պաշտոնում նշանակվել Ջևդեթ Յըլմազին, ԱԳ նախարարի պաշտոնում նշանակվել է հետախուզության արդեն նախկին պետ Հաքան Ֆիդանը: Թուրքիայի ԶՈւ գլխավոր շտաբի պետ Յաշար Գյուլերը ստանձնել է պաշտպանության նախարարի պաշտոնը։
Նախկին փոխվարչապետ Մեհմեդ Շիմշեքը ստանձնել է ֆինանսների նախարարի պաշտոնը: Թուրքիայի ներքին գործերի նախարարի պաշտոնը զբաղեցրել է Ստամբուլի նահանգապետ Ալի Երլիկայան։
Հիշեցնենք` երեկ տեղի է ունեցել Էրդողանի երդմնակալության արարողությունը:
