«Հայաստանը կիսում է Հնդկաստանի եղբայրական ժողովրդի վիշտը». ՀՀ ԱԳՆ
Հայաստանի ԱԳՆ-ն ցավակցություն է հայտնել Հնդկաստանի Օդիշա նահանգում երեք գնացքների բախման հետևանքով մեծ թվով զոհերի կապակցությամբ:
«Հայաստանը կիսում է Հնդկաստանի եղբայրական ժողովրդի վիշտը: Ցավակցություն ենք հայտնում զոհվածների ընտանիքներին, իսկ վիրավորներին մաղթում շուտափույթ ապաքինում»,- ասվում է հաղորդագրությունում:
Հիշեցնենք, որ այս երկաթուղային վթարը երկրի ամենամահացու վթարն է վերջին 20 տարվա ընթացքում: Հնդկաստանում հայտարարվել է սգո օր:
