Հայաստանի ու Արցախի Հանրապետությունները՝ Ադրբեջանի հերթական ապատեղեկատվության մասին
Ադրբեջանի պաշտպանության նախարարությունը հերթական ապատեղակատվությունն է տարածել։ Ադրբեջանի ՊՆ հաղորդագրությունն այն մասին, թե իբր հունիսի 3-ին` ժամը 00:50-ին, ՀՀ ԶՈՒ ստորաբաժանումները կրակ են բացել սահմանագոտու արևելյան հատվածում տեղակայված ադրբեջանական դիրքերի ուղղությամբ, հերթական ապատեղեկատվությունն է: Տեղեկությունը հայտնում է ՀՀ պաշտպանության նախարարությունը։
Հիշեցնենք` Ադրբեջանը նմանատիպ հաղորդագրություն էր տարածել նաև երեկ` հունիսի 2-ին, ՀՀ ՊՆ–ն կրկին հերքել էր։ Նշենք, որ Ադրբեջանն ապատեղեկատվություն է տարածում պարբերաբար։ Վերջին շրջանում ակտիվացել են հատկապես Արցախի հետ կապված կեղծ լուրերը: Ադրբեջանի ՊՆ հաղորդագրությունն այն մասին, թե իբր ՊԲ ստորաբաժանումները հունիսի 2-ի լույս 3-ի գիշերը կրակ են բացել Արցախի Հանրապետության Ասկերանի, Շուշիի, Մարտունու և Քարվաճառի շրջանների օկուպացված տարածքներում տեղակայված ադրբեջանական դիրքերի ուղղությամբ, չի համապատասխանում իրականությանը:
