Էստոնիայում մեկնարկել են ՆԱՏՕ-ի ռազմածովային ուժերի լայնածավալ զորավարժությունները

Էստոնիայում շաբաթ օրը մեկնարկել են ՆԱՏՕ-ի Baltops 23 լայնածավալ ռազմածովային զորավարժությունները, որին մասնակցում է դաշինքի ավելի քան 30 ռազմանավ, հայտնել է Էստոնիայի պաշտպանության ուժերի գլխավոր շտաբի մամուլի ծառայությունը։

Էստոնիայի ռազմածովային նավատորմի հրամանատաի խոսքերով, Baltops-ի այս զորավարժությունները կմնան պատմության մեջ, քանի որ Էստոնիան նախկինում երբեք ՆԱՏՕ-ի այդքան շատ նավեր չի ընդունել:

«Զորավարժությունների համար Էստոնիա է ժամանել ՆԱՏՕ-ի և դաշինքի գործընկեր երկրների ավելի քան 30 ռազմանավ: Այս տարի զորավարժություններում ներկայացված են մասնակիցներ ԱՄՆ-ից, Շվեդիայից, Լեհաստանից, Նիդերլանդներից, Իտալիայից, Գերմանիայից, Մեծ Բրիտանիայից, Ֆրանսիայից, Դանիայից, Իսպանիայից, Լիտվայից, Լատվիայից, Ֆինլանդիայից և Նորվեգիայից:

Baltops-ը ամենամյա միջազգային զորավարժություն է, որն անցկացվում է 1972 թվականից: Զորավարժություններն իրականացվում են՝ նպատակ ունենալով բարելավել մասնակից երկրների կարողությունները՝ Բալթիկ ծովի տարածաշրջանում ցամաքային, օդային և ծովային գործողություններ իրականացնելու գործում։ Զորավարժությունների կազմակերպման համար պատասխանատու է ԱՄՆ ռազմածովային ուժերի 6-րդ նավատորմը։