Պրիգոժինը ՌԴ ՊՆ-ին մեղադրել է Բախմուտից «վագներականների» դուրս գալու ճանապարհին պայթուցիկներ տեղադրելու մեջ

«Վագների խմբի» հիմնադիր Եվգենի Պրիգոժինը ՌԴ պաշտպանության նախարարությանը մեղադրել է Բախմուտից «վագներականների» դուրս գալու ճանապարհին պայթուցիկներ տեղադրելու մեջ։ Այս մասին գրում է Дождь-ը։

Նշվում է, որ Պրիգոժինն ասել է, թե իր ստորաբաժանումները Բախմուտից ելքի երթուղիներում հայտնաբերել են տարբեր պայթուցիկ սարքեր՝ «հարյուրավոր հակատանկային ականներից մինչև տոննաներով պլաստիդներ», և պնդում է, որ դրանք տեղադրվել են երկրի պաշտպանության նախարարության ներկայացուցիչների կողմից։  

Պրիգոժինի պատասխանը Բախմուտում տիրող իրավիճակի վերաբերյալ լրատվական գործակալության հարցմանը հրապարակել է նրա մամուլի ծառայությունը։ 

«Այդ ականները տեղադրողները պաշտպանության նախարարության ներկայացուցիչներ են։ Երբ հարցնում են, թե ինչու եք դա արել, նրանք մատները վեր են ցույց տալիս: Հարցերին դեռ պատասխաններ չկան։ Հակառակորդին զսպելու համար այդ ականները դնելու կարիք չկար, քանի որ այն գտնվում է թիկունքի գոտում»,- ասել է Պրիգոժինը։ 

Նրա խոսքով՝ պայթուցիկները եղել են հեռակառավարմամբ։ Նա ենթադրություն է, որ երկրի պաշտպանության նախարարության ներկայացուցիչները «ցանկացել են դիմավորել «Վագների խմբի» առաջխաղացող ստորաբաժանումներին, թեև իրենք շարասյուններով չեն շարժվում», իսկ այս իրավիճակը անվանել է «հրապարակային պատժի փորձ»: