Կոսովոյի ընդդիմությունը պահանջում է երկրի վարչապետի հրաժարականը

Չճանաչված Կոսովոյի նախկին վարչապետ և ընդդիմադիր «Ալյանս հանուն Կոսովոյի ապագայի» կուսակցության նախագահ Ռամուշ Հարադինայը կոչ է արել հրաժարական տալ կառավարության ներկայիս ղեկավար Ալբին Կուրտիին։ Քաղաքական գործչի խոսքով՝ իրավիճակը չճանաչված հանրապետությունում այժմ զարգանում է գրեթե ամենավատ կերպով՝ 1999 թվականից ի վեր։ 

«Ես չափազանց մտահոգված եմ երկրում տիրող իրավիճակով: Այսօր ամենավատն է 1999 թվականից ի վեր: Կուրտին ուղղակիորեն պատասխանատու է այս իրավիճակի համար», - ասել է Հարադինայը: Նրա խոսքերն ուրբաթ մեջբերում է Danas սերբական հրատարակությունը։ 

Հարադինայի խոսքով՝ վարչապետ Կուրտին ներկայումս «վտանգ է ներկայացնում Կոսովոյի համար»։ «Ուստի նա պետք է հեռանա»,- համոզված է քաղաքական գործիչը։ 

«Որպես կառավարության ղեկավար՝ նրա շարունակական պաշտոնավարման յուրաքանչյուր օրը վնասակար է ու վտանգավոր երկրի համար»,- հավելել է նա։