Ադրբեջանի իշխանությունները փակել են Բաքվում Իրանի մշակութային ներկայացուցչությունը
Ադրբեջանի իշխանությունները փակել են Բաքվում Իրանի մշակութային ներկայացուցչությունը: Պատճառների մասին պաշտոնական Բաքուն չի հաղորդում։ Այս մասին հայտնում է Turan-ը:
Թեհրանն ադրբեջանական կողմի քայլը գնահատում է «միակողմանի և հապճեպ», IRNA գործակալությանը փոխանցել է Իրանի արտգործնախարարության պաշտոնյան, որը ցանկանում է անանուն մնալ։
Իրանցի պաշտոնյան նշել է, որ «հարցը կարելի էր լուծել երկխոսության միջոցով»։
Իրանա-ադրբեջանական լարված հարաբերությունների ֆոնին Ադրբեջանում վերջին ամիսներին հարյուրավոր անձինք են ձերբակալվել՝ Իրանի օգտին լրտեսության կասկածանքով։ Հետագայում նրանց առաջադրվել են թմրանյութերի հետ կապված մեղադրանքներ։
