Պուտինին չձերբակալելու համար ԲՐԻԿՍ-ի գագաթնաժողովը կարող է անցկացվել այլ երկրում

ԲՐԻԿՍ-ի անդամ երկրների առաջնորդների գագաթնաժողովը, կարող է անցկացվել Չինաստանում, չնայած ըստ պլանավորման՝ այն պետք է անցկացվեր Հարավաֆրիկյան Հանրապետությունում։ Այս մասին գրում է  Reuters-ը՝ վկայակոչելով իր աղբյուրները։ 

Նշվում է, որ նման որոշման պատճառն այն է, որ աֆրիկյան այս երկիրը փորձում է խուսափել Ռուսաստանի նախագահ Վլադիմիր Պուտինին ձերբակալելուց, ինչի օրդերը տվել է Հաագայում Միջազգային քրեական դատարանը։
 

«ՀԱՀ իշխանությունների կողմից դիտարկվող ամենահավանական տարբերակներից մեկը Չինաստանին խնդրելն է՝ որպես խմբի նախորդ նախագահի, անցկացնել գագաթնաժողովը»,- ասել է այդ երկրի կառավարության բարձրաստիճան պաշտոնյաներից մեկը, որը ցանկացել է անանուն մնալ։

ՀԱՀ արտաքին գործերի նախարար Նալեդի Պանդորի խոսքով՝ այս առումով դեռևս վերջնական որոշում չկա։ Նա հավելել է, որ շուտով կհանդիպեն նախարարները, որ դիտարկեն գործողությունների տարբերակների վերաբերյալ զեկույցը։