ՆԳ փոխնախարարը՝ պետաշխատողների մեքենաների մգացված ապակիների մասին

Ավտոմեքենաների ապակիները մգեցնող թաղանթը հեռացնելու պահանջը վերաբերում է բոլորին, եթե գործընկերներս դեռ չեն հեռացրել դրանք, կարծում եմ՝ կարճ ժամանակում կհեռացնեն։ Այս մասին լրագրողների հետ զրույցում ասել է ՆԳ փոխնախարար Արփինե Սարգսյանը՝ անրձագանքելով այն դիտարկմանը, որ որոշ պաշտոնյաներ, այդ թվում նաև կառավարության անդամները, դեռ շրջում եմ մգեցված ապակիներով ավտոմեքենաներով։ Սարգսյանը պատասխանել է այն հարցին, թե որ օրենքով է նման պահանջ ու տուգանք սահմանվում:

 Լսենք նրան  փոխնախարարը պատասխանեց, որ տուգանքի կետը վերաբերում է Վարչական իրավախախտումների մասին օրենքի համապատասխան դրույթին, որով վարչական պատասխանատվություն է նախատեսվում ապակիների լուսաթափանցելիության չափի ստանդարտը չպահելու մասով, իսկ չափը նախատեսված է ԵԱՏՄ համապատասխան ակտ, որին միացել է ՀՀ կառավարությունը։ 

Հարցին, որ եթե ըստ օրենքի մգեցված թաղանթը հանել չկարողանալու կամ գործարանային մգեցված ապակիներով մեքենաների դեպքում վարորդները պետք է փոխեն ապակիները, ապա ում հաշվին է դա տեղի ունենալու, Սարգսյանն ընդգծեց, որ կա նախատեսված ստանդարտ:  

Նա նաև հավելեց, որ իր մեքենայի, ինչպես նաև ՆԳ նախարարի, բոլոր փոխնախարարների և մյուս ծառայողների մեքենաների ապակիներից մգեցնող թաղանթները հեռացված են՝ ընդգծելով, որ խոսքը ոչ միայն ծառայողական մեքենաների մասին է, այլև անհատական օգտագործման։