Ես չգիտեմ՝ դա զեղչով եմ ձեռք բերել, թե՝ առանց զեղչի․ Սասուն Խաչատրյանը՝ բնակարան ձեռք բերելու մասին
Հակակոռուպցիոն կոմիտեի նախագահ Սասուն Խաչատրյանը Երևանի «Բյուրեղ» թաղամասում ձեռք բերված բնակարանի ընդամենը 10 տոկոսն է վճարել: Այս մասին NEWS.am-ի հետ զրույցում ասել է Սասուն Խաչատրյանը:
«Ես չգիտեմ՝ դա զեղչով եմ ձեռք բերել, թե՝ առանց զեղչի: Ձեռք եմ բերել այդ ժամանակ գոյություն ունեցող արժեքով: Ընդ որում ձեռք չեմ բերել, գնման իրավունք եմ ձեռք բերել, մինչև օրս վճարել եմ այդ բնակարանի ընդամենը 10 տոկոսը»,- ասել է Սասուն Խաչատրյանը:
Հիշեցնենք, որ ըստ մամուլում շրջանառվող լուրերի, Հակակոռուպցիոն կոմիտեի նախագահը «զեղչով» բնակարան է գնել «Բյուրեղ»-ում:
