ՏԵՍԱՆՅՈՒԹ. Ահավոր դեպք է տեղի ունեցել. Ավինյան

Մեկնարկել է Երևանի քաղաքապետարանի հերթական գործակարգավարական խորհրդակցությունը։ Տիգրան Ավինյանը խնդրել է ներկայացնել երեկ ավտովթարի ենթարկված երեխաների մասին տեղեկատվություն։ 

«Ավտովաթարից հետո երեկ երեխաները անմիջապես տեղափոխվել է են «Սուրբ Աստվածամայր» բժշկական կենտրոն։ Մի երեխային տեղափոխել են «Սուրբ Գրիգոր Լուսավորիչ» բժշկական կենտրոն, այնտեղ վիրահատվելով՝ նորից բերել են «Սուրբ Աստվածամայր»։ Երեքի վիճակը ծայրահեղ ծանր է, մեկինը՝ ծայրահեղ տերմինալ»,- այս մասին ասել է Երևանի քաղաքապետարանի Առողջապահության վարչության պետ Դավիթ Կարապետյանը։ 

Կարապետյանի խոսքով՝ անձնակազմը ամբողջ գիշեր աշխատել է և տուն չի գնացել։ 

«Դեղորայքի պակաս չունենք, արյան պակաս չունենք, ինչպես սոցցանցերում տարածվել է։ Միայն ալբումինի պակաս է եղել, որը բերել են։ Դա ընդունված կարգ է»,- ավելացրել է Առողջապահության վարչության պետը։ 

Հիշեցնենք, որ մայիսի 27-ին, ողբերգական ավտովթար է տեղի ունեցել Կոտայքի մարզում։ Վթարի հետևանքով 1 հոգի տեղում մահացել է, 7 հոգի տարբեր աստիճանի մարմնական վնասվածքներով տեղափոխվել են Աբովյանի և Երևանի տարբեր հիվանդանոցներ։

Ըստ Shamshyan.com-ի տվյալների` մահացածն ու վիրավորներից մի քանիսը Արարատի մարզի բնակիչներ էին, և մեկնում էին Գառնի՝ ըմբշամարտի մրցումների մասնակցելու, որը նվիրված էր զոհված ըմբշամարտիկի հիշատակին։