Էրդողանի կողմնակիցները չեն գիտակցում հետևանքները. գերմանացի նախարար
Նրանք, ովքեր վերջին ընտրություններում պաշտպանել են Թուրքիայի նախագահ Ռեջեփ Թայիփ Էրդողանի թեկնածությունը, չեն գիտակցում նրա վերընտրվելու հետևանքները, հայտարարել է Գերմանիայի պարենի և գյուղատնտեսության նախարար Ջեմ Օզդեմիրը։ Այս մասին նա հայտնել է Twitter-ի իր միկրոբլոգում։
Նա նշել է, որ շատ ընտրողներ, ովքեր քվեարկել են Թուրքիայի ղեկավարի օգտին, նման որոշում են կայացրել երկրում ազատության բացակայության, ինչպես նաև աղքատության պատճառով։
Հիշեցնենք, որ Էրդողանը հավաքել է ձայների 52,14 տոկոսը, իսկ երկրի ընդդիմադիր Ժողովրդահանրապետական կուսակցության (CHP) ղեկավար Քեմալ Քըլըչդարօղլուն՝ 47,86 տոկոս ձայն։
