2022 թվականին Հայաստանը Արցախին 176 մլրդ դրամի վարկ է տրամադրել
2022 թվականին Հայաստանը Արցախին 176 մլրդ դրամի վարկ է տրամադրել։ Ազգային ժողովում 2022թ.–ի պետական բյուջեի կատարման տարեկան հաշվետվությունը ներկայացնելիս տեղեկությունը հայտնեց ՀՀ ֆինանսների նախարար Վահե Հովհաննիսյանը։
«Արցախին տրամադրված վարկը կազմել է 176 մլրդ դրամ, որը բարձր է եղել նաև պլանավորածից։ Երբևիցե նման ծավալի աջակցություն Լեռնային Ղարաբաղին չի տրամադրվել»,– ասել է նախարարը։
Նշենք, որ 2021 թվականին ՀՀ կառավարությունն ավելի քան 100 մլրդ դրամի բյուջետային աջակցություն է տրամադրել Արցախին:
