ՏԵՍԱՆՅՈՒԹ. Իրանի ոստիկանական ուժերի հրամանատարի տեղակալն ու ցամաքային զորքերի հրամանատարը մեկնել են բախումների վայր
Իրանի ոստիկանական ուժերի գլխավոր հրամանատարի տեղակալ Սարդար Քասեմ Ռեզաին և Իրանի Իսլամական Հանրապետության ցամաքային զորքերի հրամանատար Կիյումարս Հեյդարին մեկնել են Սիստան, որտեղ բախումներ են ընթանում թալիբների հետ։
Հիշեցնենք՝ Աֆղանստանի թալիբները տեսանյութ են հրապարակել, որտեղ երևում է, թե ինչպես են հարձակվում Իրանի սահմանային կետի վրա:
Միաժամանակ թալիբների առաջնորդ Աբդուլհամիդ Խորսանին հայտարարել է, որ թալիբները պատերազմ են հայտարարում Իրանին
Հաղորդվում է նաեւ, որ թալիբների հետ բախման հետեւանքով երկու մարդ է զոհվել, իսկ հակամարտությունը սկսելու համար կողմերը մեղադրում են միմյանց։
Բախումը տեղի է ունեցել այս ամիս Իրանի նախագահ Իբրահիմ Ռաիսիի նախազգուշացումից հետո, որ թալիբներից պահանջել է չխախտել Իրանի ջրային իրավունքները Հիլմենդ գետում: Նա նաև մեղադրել է աֆղանական թալիբների ղեկավարներին 1973 թվականի պայմանագիրը խախտելու մեջ՝ սահմանափակելով ջրի հոսքը գետից դեպի Իրանի չորացած արևելյան շրջաններ։ Թալիբները հերքել են մեղադրանքը։
