Վուչիչը Սերբիայի Անվտանգության խորհրդի արտակարգ նիստ կանցկացնի
Բելգրադը կհրավիրի երկրի Անվտանգության խորհրդի արտակարգ նիստ՝ կապված Կոսովոյի հյուսիսում իրավիճակի սրման հետ, որը հրահրվել է Կոսովոյի իշխանությունների՝ տեղական մունիցիպալիտետների շենքերը վերահսկողության տակ առնելու փորձով։ Այս մասին ուրբաթ հայտարարել է Սերբիայի նախագահ Ալեքսանդր Վուչիչը՝ ելույթ ունենալով երկրի կառավարությանն աջակցող համազգային ցույցի մասնակիցների առջեւ։
«Նրանք միտումնավոր սպասում էին այն օրվան, երբ զգալի թվով տղամարդիկ Կոսովոյի և Մետոհիայի հյուսիսից կժամանեն Բելգրադ՝ հարձակվելու Զուբին Պոտոկի, Զվեջանի և Լեպոսավիչի քաղաքային շենքերի վրա։ «Քվինտի» ներկայացուցիչները (Մեծ Բրիտանիա, Գերմանիա, Իտալիա, ԱՄՆ և Ֆրանսիա) այժմ դատապարտում են այս ամենը, սակայն ալբանացիներին թույլ տրվեց ավարտել գործը։ Մենք նաև կանցկացնենք Ազգային անվտանգության խորհրդի նիստ և կխոսենք այն մասին, թե ինչ է լինելու Կոսովոյում և Մետոհիայում»,- ասել է Վուչիչը։
