ՏԵՍԱՆՅՈՒԹ․ Պայթյուն Կրասնոդարում․ ինչ է հայտնի
Կրասնոդարում վաղ առավոտյան պայթյուն կամ պայթյուններ են եղել, գրում են թելեգրամյան ալիքները։ Տեղի բնակիչները տեսանյութում ենթադրում են, որ դա եղել է հակաօդային պաշտպանություն, որը գործարկվել է անօդաչու թռչող սարքի ուղղությամբ։
Ինչպես հայտնում է BBC-ի ռուսական ծառայությունը՝ տեղի ունեցածի առնչությամբ պաշտոնական տեղեկություն, հաստատում, հերքում դեռ չկա։
Baza թելեգրամյան ալիքը հրապարակել է պայթյունի պահը, ծխի սյունը, ենթադրյալ անօդաչու թռչող սարքը և MTS բջջային օպերատորի շենքի լուսանկարը, որը իբր վնասվել է խոցված անօդաչու թռչող սարքի բեկորներից։ Նշվում է, որ կադրերն արված են տեղի բնակիչների կողմից։
Կրասնոդարից մինչև Ուկրաինայի ռազմաճակատի մոտակա կետը մոտ 330 կիլոմետր է։
