ՏԵՍԱՆՅՈՒԹ. «Կխոսեմ մի բանի մասին, որի մասին երբեք չեմ խոսել». Հայկ Մամիջանյանն անկլավների մասին

«Կխոսեմ մի բանի մասին, որի մասին երբեք չեմ խոսել։ Արդեն այս խորհրդարանի գումարման ընթացքում մի անգամ իշխանական պատգամավորներից մեկը ինձ խնդրեց անկլավների հետ կապված միջազգային հարթակներում չխոսել՝ վստահեցնելով, որ այդ հարցը լուծված է ու ավելորդ անգամ այն շրջանառել անհրաժեշտ չի։ Հիմա մենք հասկանում ենք, որ անկլավների հարցը լուծելը իրենք պատկերացնում էին խիստ հակառակը»։ Այս մասին քիչ առաջ հրավիրած մամուլի ասուլիսի ժամանակ հայտարարել է ընդդիմադիր Հայկ Մամիջանյանը։

«Ուզում եմ խոսել նաև ինքնորոշման իրավունքի մասին։ Թող որևէ մեկը չփորձի աշխարհաքաղաքական բարդ իրավիճակը բերի որպես պատճառ ինքնորոշման իրավունքի չիրացման համար։ Նույնիսկ պատերազմից հետո ՌԴ նախագահը, ԵՄ բարձր հանձնակատարը, ՀՀ-ում ԱՄՆ դեսպանը, Գերմանիայի կանցլերը, նրանք բոլորը խոսել են ինքնորոշման իրավունքի մասին։ Այսօրվա կառավարիչները փաստորեն չեն կարողացել տեր կանգնել նրան, ինչը մեր շնորհիվ ԵՄ անդամ բոլոր երկրներում խորհրդարաններով ռատիֆիկացված էր։ Դուք պատկերացնու՞մ եք՝ ինչ մակարդակի մասին է խոսքը։ Գրեթե օրենսդրական մակարդակով դա ռատիֆիկացված էր»,- հավելել է նա։