ԱՄՆ վարչակազմը կարծում է, որ Կրեմլի վրա հարձակման ետևում ուկրաինական հատուկ ծառայություններից մեկն է․ NYT

ԱՄՆ վարչակազմը կարծում է, որ մայիսի սկզբին Կրեմլի վրա անօդաչու թռչող սարքի հարձակումը կազմակերպել է ուկրաինական հատուկ ծառայություններից մեկը, հաղորդում է The New York Times-ը։ 

Նրա խոսքով՝ ամերիկյան հետախուզական ծառայությունները տեղեկություն չունեն, թե ուկրաինական որ հատուկ ծառայությունն է ներգրավված եղել հարձակման մեջ, և արդյո՞ք Վլադիմիր Զելենսկին տեղյակ է եղել հարձակման նախապատրաստման մասին։ 

Ըստ հրապարակման՝ սկզբում ԱՄՆ նախագահ Ջո Բայդենի վարչակազմը հնարավոր է համարել այն վարկածը, որ անօդաչու թռչող սարքի հարձակումը Ռուսաստանի կառավարության «կեղծ դրոշակային գործողություն է», սակայն ռուս պաշտոնյաների ներքին որոշ բանակցությունների գաղտնալսումից հետո ամերիկյան վարչակազմը մտափոխվել է։