Թուրքիան հայտարարել է Իրանի դեմ իսրայելական Մոսադի լրտեսական բջջի վերացման մասին․ IRNA
Թուրքիայի հետախուզական և անվտանգության ուժերը Ստամբուլում հայտարարել են, որ վերացրել են իսրայելական Մոսադին պատկանող նոր լրտեսական բջիջ, որը բաղկացած է Իրանի դեմ աշխատող15 հոգուց։ Այս մասին գրել է IRNA-ն։
Պաշտոնական տեղեկատվության համաձայն՝ մեկուկես տարի համատեղ հետախուզական և անվտանգության ուժերը հետաքննություն են իրականացրել իսրայելական լրտեսական ցանցի նկատմամբ։
Թուրքական իշխանությունները պարզել են, որ «Մոսադի բջիջը թիրախավորել է Իրանի հետ առևտրային հարաբերություններ ունեցող մեկ ընկերություն ու 23 ֆիզիկական անձ»։
«15 հոգուց բաղկացած խումբը գործում էր ամբողջ երկրի ցանցով ու ղեկավարում էր Եվրոպայում վերապատրաստված գործակալ Սելչուկ Քյուչյուկկայան»,- նշվում է տարածված հայտարարության մեջ:
Ձերբակալվածներից երկուսը Թուրքիայի քաղաքացիներ են։
