Պրիգոժինը փորձում է այլ երկրներից ռազմական տեխնիկա գնել

Ամերիկայի Միացյալ Նահանգները նշաններ են տեսնում, որ ռուսական «Վագներ» մասնավոր ռազմական ընկերությունը փորձում է գաղտնի կերպով զինտեխնիկա գնել այլ երկրներից։ Sky News-ի փոխանցմամբ՝ ԱՄՆ պաշտոնյաները մեղադրել են վագներականներին օտարերկրյա մատակարարներից գաղտնի ռազմական տեխնիկա գնելու և Մալիով Ռուսաստան առաքելու դավադրության մեջ, գրում է Unian - ը։ 

Նման մեղադրանք է ներկայացրել Պետքարտուղարությունը, սակայն նրանք ասում են, որ դավադրության ապացույց չեն տեսել:

«Կան նշաններ, որ Վագները փորձել է ռազմական համակարգեր գնել օտարերկրյա մատակարարներից և այդ զենքերն անցկացնել Մալիով: Մինչ այժմ մենք որևէ նշան չենք տեսել, որ այդ գնումներն ավարտվել կամ իրականացվել են, բայց մենք վերահսկում ենք իրավիճակը մոտիկից»,- լրագրողներին ասել է Պետդեպարտամենտի ներկայացուցիչը։