Ադրբեջանն աջակցում է ՀՀ-ի հետ խաղաղության համաձայնագրի ստորագրմանը. Ալիև
Ադրբեջանի նախագահ Իլհամ Ալիևը Բաքվում ԵԱՀԿ ԽՎ նախագահ Մարգարետա Սեդերֆելտի հետ հանդիպմանն անդրադարձել է հայ-ադրբեջանական խաղաղության բանակցություններին։ Ալիևը նշել է.
«Ադրբեջանը աջակցում է Հայաստանի հետ խաղաղության համաձայնագրի ստորագրմանը, որը հիմնված է Բաքվի ներկայացրած հինգ սկզբունքների վրա»։ Համաձայն հայտարարության՝ Բաքվի կողմից Երևանին ավելի վաղ ներկայացված խաղաղության պայմանագրի հինգ հիմնական սկզբունքները ներառում են` երկու երկրների կողմից միմյանց տարածքային ամբողջականության ճանաչում, ցանկացած տարածքային պահանջներից փոխադարձ հրաժարում, ուժի կամ ուժի սպառնալիքի չկիրառում, սահմանների սահմանազատում, բաց հաղորդակցություններ:
