Զելենսկին չի եկել ինձ հետ հանդիպման․ Բրազիլիայի նախագահ
Բրազիլիայի նախագահ Լուլա դա Սիլվան ասել է, որ ինքը պետք է հանդիպեր Զելենսկու հետ G7-ի գագաթնաժողովի շրջանակում, սակայն վերջինս չի ներկայացել հանդիպմանը։ Բրազիլիայի ղեկավարը նշել է, որ ուկրաինացի առաջնորդը նախընտրել է մասնակցել մեկ այլ հանդիպման:
«Այս դահլիճում նախատեսված էր երկկողմ հանդիպում «Ուկրաինայի» հետ։ Սպասեցինք, տեղեկություն ստացանք, որ ուշանում են։ Այդ ընթացքում ես ընդունեցի Վիետնամի նախագահին։ Երբ Վիետնամի նախագահը հեռացավ, Ուկրաինայինը չեկավ։ Նա հաստատ ևս մեկ հանդիպում է ունեցել։ Ես չհիասթափվեցի, նեղսրտեցի, որովհետև կցանկանայի հանդիպել նրա հետ»,- ասել է Լուլան հաջորդած մամուլի ասուլիսի ժամանակ, փոխանցում է RBC.ru-ն։
Նա նաև հավելել է, որ Զելենսկին չափահաս է և գիտի, թե ինչ է անում։
