Ուկրաինան այս ամենի հետ կապ չունի. Պոդոլյակը Բելգորոդի շրջանում տեղի ունեցող իրադարձությունների մասին
Ուկրաինան հետաքրքրությամբ է հետևում Ռուսաստանի Բելգորոդի մարզում տեղի ունեցող իրադարձություններին, բայց դրանց հետ կապ չունի։
Այս մասին Twitter սոցիալական ցանցում հայտնել է Ուկրաինայի նախագահի աշխատակազմի ղեկավարի խորհրդական Միխայլո Պոդոլյակը։
«Միակ շարժիչ ուժը տոտալիտար երկրում միշտ անխուսափելիորեն զենքը ձեռքին պարտիզանական շարժումն է», - գրել է նա:
Պոդոլյակի խոսքով՝ Ուկրաինան հետևում է Ռուսաստանի Դաշնության հարևան տարածաշրջանում տեղի ունեցող իրադարձություններին և ուսումնասիրում իրավիճակը։
Պոդոլյակը նաև կատակել է, որ «ռուսական ցանկացած ռազմական խանութում տանկեր են վաճառվում» և հավելել, որ ընդհատակյա պարտիզանական ջոկատները կազմված են ՌԴ քաղաքացիներից։
