Առնվազն տասը մարդ է զոհվել, ևս ինը վիրավորվել են շաբաթ Մեքսիկայի Սան Վիսենտե քաղաքում երկօրյա ավտոարշավի ժամանակ դարանակալած հարձակման հետևանքով, կիրակի հաստատել են իշխանությունները:
 

Տեղական ժամանակով ժամը 14:18-ի սահմաններում մոխրագույն ֆուրգոնը մոտեցել է բենզալցակայանին, որտեղ հավաքված են եղել մասնակիցները։ Ֆուրգոնից մի խումբ հրաձիգներ դուրս են եկել և երկարափող զենքերից կրակ բացել։ Հաղորդվում է, որ չարագործները դեպքի վայրից փախել են իրենց մեքենայով։

Սոցցանցերում հրապարակված հարձակումը ցուցադրող տեսանյութում երևում է, որ առնվազն երկու մարդ կրակում են բենզալցակայանում կայանված մեքենաների վրա։