Պենտագոնը հերքել է նախարարության շենքի մոտ պայթյունի մասին տեղեկությունը

Պենտագոնը հերքել է ԱՄՆ ռազմական գերատեսչության կենտրոնակայանում պայթյունի մասին տեղեկությունները, որոնք տարածվել են Telegram-ում և Twitter-ում։ Այս մասին գրում է РИА Новости-ն՝ հղում անելով գերատեսչության մամուլի ծառայության ներկայացուցչին։ 

«Ոչ»,- պայթյունի մասին հարցին պատասխանել է գործակալության զրուցակիցը։

Ավելի վաղ սոցցանցերում սկսել էին հաղորդագրություններ տարածվել ամերիկյան պաշտպանական գերատեսչության շենքի մոտ ենթադրյալ պայթյունի մասին։ Հրապարակվել էր նաև լուսանկար։

[d0ec872e46f9533459f3069a8b90bdfe.jpeg]

Ավելի ուշ, սակայն, Washington Post-ի թղթակից Յունուս Պակսոյը լուսանկար է հրապարակել, որում բացակայում է միջադեպի հնարավոր որևէ հետևանք։

Սոցիալական ցանցերը ենթադրում են, որ առաջին նկարը ստեղծվել է նեյրոնային ցանցի միջոցով, և լրատվամիջոցները այն շփոթել են իրական լուսանկարի հետ: