Պուտինը շնորհավորել է ռուսական բանակին Բախմուտի ազատագրման կապակցությամբ

ՌԴ նախագահ Վլադիմիր Պուտինը շնորհավորել է «Վագներ» խմբին և ռուսական բանակին Արտյոմովսկի (Բախմուտ)ազատագրման կապակցությամբ, հայտնել են Կրեմլի մամուլի ծառայությունից:

«Վլադիմիր Պուտինը շնորհավորում է «Վագներ» գրոհային ջոկատներին, ինչպես նաև Ռուսաստանի Դաշնության Զինված ուժերի ստորաբաժանումների բոլոր զինծառայողներին, որոնք նրանց անհրաժեշտ աջակցություն են ցուցաբերել Արտյոմովսկի ազատագրման գործողության ավարտի կապակցությամբ», — ասված է հաղորդագրության մեջ:

Ինչպես ավելի վաղ հայտնել Է պաշտպանության նախարարությունը, քաղաքի ազատագրումը ավարտվել է «Վագներ» գրոհայինների հարձակողական գործողությունների արդյունքում ՝ ռուսական զորքերի Հարավային խմբավորման հրետանու և ավիացիայի աջակցությամբ:

Նախօրեին «Վագների» հիմնադիր Եվգենի Պրիգոժինը հայտարարել էր քաղաքի նկատմամբ լիակատար վերահսկողություն հաստատելու մասին։

Հիշեցնենք` Վլադիմիր Զելենսկին հայտարարել է, որ Բախմուտն այլևս Ուկրաինայի վերահսկողության տակ չէ: «Այս պահին այն գոյություն ունի միայն մեր սրտերում», — հավելել է Ուկրաինայի նախագահը: