Ուկրաինայում խոցված Patriot-ը վերանորոգվել և վերադարձվել է շահագործման․ Պենտագոն

Ուկրաինայում խոցված ամերիկյան Patriot  զենիթահրթիռային համակարգը վերանորոգվել և վերադարձվել է շահագործման։ Այս մասին հայտարարել է Պենտագոնի պաշտոնական ներկայացուցիչ Սաբրինա Սինգհը, փոխանցում է РИА Новости-ն։
 

«Մեկ Patriot համակարգ վնասվել էր և այժմ վերանորոգվել ու ամբողջությամբ վերադարձվել է շահագործման», - ասել է Սինգհը:

Նա հավելել է, որ Միացյալ Նահանգները Կիևին «որոշակի օգնություն» է տրամադրել համակարգերի վերանորոգման հարցում։

Ռուսաստանի Դաշնության պաշտպանության նախարարությունը ավելի վաղ հայտնել էր, որ մայիսի 16-ին ««Կինժալ» հիպերձայնային հրթիռային համակարգի բարձր ճշգրտության հարվածը Կիևում խոցել է ամերիկյան արտադրության Patriot զենիթահրթիռային համակարգը»:  

Ավելի ուշ Վաշինգտոնում խոստացել էին վերանորոգել այն։