Իջևան–Նոյեմբերյան ավտոճանապարհին շտապօգնության ավտոմեքենա է կողաշրջվել
ՀՀ Տավուշի մարզի Կիրանցի գյուղի մոտակայքում շտապօգնության «Toyota Hiace» մակնիշի ավտոմեքենան կողաշրջվել է։ Տեղեկությունը հայտնում է ՀՀ ՆԳՆ փրկարար ծառայությունը։
Դեպքի մասին հազանգը ստացվել մայիսի 18-ին, ժամը 21։33-ին։
Պարզվել է, որ Իջևան-Նոյեմբերյան ավտոճանապարհի մոտ 28-րդ կմ-ին շտապօգնության «Toyota Hiace» մակնիշի ավտոմեքենան (վարորդ՝ Ա. Խ.) դուրս է եկել երթևեկելի գոտուց, բախվել ճանապարհի արգելապատնեշին և մոտ 5 մ սահելով՝ հայտնվել դաշտամիջյան հատվածում:
Քաղաքացի Ս. Վ.-ն (ծնված 1965 թ.) Իջևան քաղաքի ԲԿ-ի շտապօգնության ավտոմեքենայով տեղափոխվել է Երևանի Վ. Ա. Ֆանարջյանի անվան ուռուցքաբանության ազգային կենտրոն:
Փրկարարներն ավտոմեքենան դուրս են բերել երթևեկելի հատված:
