Դանիան պատրաստ է ուկրաինացի օդաչուներին նախապատրաստել F-16 կործանիչներին

Դանիան պատրաստ է ուկրաինացի օդաչուներին սովորեցնել վարել F-16 կործանիչներ, հայտարարել է պաշտպանության նախարար Տրոելս Լունդ Պոուլսենը, գրում են արևմտյան լրատվամիջոցները։ 

Նախարարի հայտարարությունը հաջորդել է ԱՄՆ նախագահ Ջո Բայդենի խոսքերին ուկրաինացի օդաչուներին նախապատրաստելու ծրագրերին աջակցելու մասին։ 

Ավելի վաղ՝ մայիսի 19-ին, Նիդեռլանդների վարչապետ Մարկ Ռյուտեն նույնպես ասել էր, որ ողջունում է ԱՄՆ-ի պատրաստակամությունը՝ հավանություն տալու ուկրաինացի օդաչուների վերապատրաստմանը։ 

«Մեր բրիտանացի, դանիացի և բելգիացի գործընկերների հետ մենք ողջունում ենք այն լուրը, որ Միացյալ Նահանգները պատրաստ է հավանություն տալ ուկրաինացի օդաչուների ուսուցմանը F-16 կործանիչներին: Ուսուցման ընթացակարգը կմշակվի առաջիկա շաբաթների ընթացքում: Ուկրաինան կարող է հույս դնել Նիդեռլանդների և նրանց միջազգային գործընկերների անսասան աջակցության վրա»,- գրել է Ռուտտեն սոցիալական ցանցերում։ 

ԱՄՆ վարչակազմի բարձրաստիճան պաշտոնյան Հիրոսիմայում՝ G7-ի հանդիպման ժամանակ, ասել է, որ վերապատրաստման ծրագիրը պետք է սկսվի մի քանի շաբաթվա ընթացքում, իսկ ուսուցումը տեղի կունենա Եվրոպայում: Միևնույն ժամանակ, ՆԱՏՕ-ի դաշնակիցները ավելի ուշ կորոշեն, թե քանի ինքնաթիռ է ներգրավվելու, և ով է դրանք տրամադրելու: