Քաղաքապետարանը` Նուբարաշենի աղբավայրի տարածքում բռնկված հրդեհի մասին
Մայիսի 18-ի առավոտյան Նուբարաշենի աղբավայրի տարածքում նկատվել են ծխացող օջախներ։ Դեպքի մասին անմիջապես տեղեկացվել են քաղաքային իշխանությունները, որոնք էլ համայնքային ջրցաններն ու տեխնիկական այլ միջոցները կենտրոնացրել են աղբավայրի տարածքում՝ հրդեհը չեզոքացնելու նպատակով։
Գործընթացն իրականացվում է նաև ՀՀ ՆԳՆ փրկարար ծառայության տեխնիկական ռեսուրսներով։
Համատեղ ջանքերով այս պահին հաջողվել է հրդեհը տեղայնացնել։
Հիշեցնենք` այսօր «Սովետաշենի աղբանոցի» տարածքում հրդեհ էր բռնկվել:
