«ԱՄՆ-ն մտադիր է Թուրքիայի հետ աշխատել անկախ նախագահական ընտրությունների արդյունքներից». Սալիվան

ԱՄՆ-ը կշարունակի աշխատել Թուրքիայի հետ՝ անկախ նրանից, թե որ թեկնածուն կհաղթի նախագահական ընտրությունների երկրորդ փուլում։ Այս մասին  հայտարարել է ԱՄՆ նախագահի ազգային անվտանգության հարցերով խորհրդական Ջեյք Սալիվանը։

«Ով էլ հաղթի ընտրություններում՝ լինի դա գործող նախագահը, թե թեկնածուն, մենք կշարունակենք աշխատել Թուրքիայի հետ մի շարք հարցերի շուրջ՝ լինի դա Ուկրաինա, տարածաշրջանային հարցեր Մերձավոր Արևելքում, թե Թուրքիայի դերը՝ որպես ԱՄՆ ՆԱՏՕ-ի դաշնակից»,- ասել է Սալիվանը: