Ռուսաստանում տարվա ընթացքում ժամկետանց պահեստամասերով 2000 չվերթ է կատարվել
2022 թվականին Ռուսաստանում, արևմտյան պատժամիջոցների պատճառով, ավելի քան երկու հազար թռիչք է իրականացվել ժամկետանց պահեստամասերով հագեցած ինքնաթիռներով, երեքշաբթի օրը՝ մայիսի 16-ին, Պետդումայի տրանսպորտի հարցերով կոմիտեի նիստում ասաց Ռոստրանսնադզորի ղեկավար Վիկտոր Բասարգինը։ Նրա ելույթի ձայնագրությունը եղել է «Կոմերսանտ»-ի տրամադրության տակ։
Բասարգինը չի հստակեցրել՝ խոսքը վերաբերում է կոմերցիոն, թե բոլոր տեսակի օդային ճանապարհորդություններին։ Ըստ «Կոմերսանտ»-ի՝ 2022 թվականին օդային երթեւեկության կառավարման պետական կորպորացիայի վերահսկիչները սպասարկել են 1,4 միլիոն չվերթ, այդ թվում՝ տարանցիկ և միջազգային։ Նախորդ տարիներին քանի՞ թռիչք է կատարվել ժամկետանց պահեստամասերով ինքնաթիռներով, Բասարգինը չի ասել։
Խոշոր ավիաընկերություններից «Կոմերսանտի» զրուցակիցները հերքել են «ժամկետանց պահեստամասերի» օգտագործումը։
