Աշոտ Փաշինյանի գործով 4 ձերբակալված կա․ իրավապաշտպան
Աշոտ Փաշինյանի գործով 4 ձերբակալված կա։ Լրագրողների հետ զրույցում այս մասին հայտնել է իրավապաշտպան Ռուբեն Մելիքյանը։
Նրա խոսքով` ձերբակալվածների թվում են Ժորա Մարտիրոսյանի մայրը` Գայանե Մարտիրոսյանը, Մխիթար Գալեյանի հայր Գարիկ Գալեյան, Ժորա Սահակյանի հայր Վահիդ Սահակյանը և Վիգեն Ազատյանը` Արման Ազատյանի հայրը։
«Եղել է խայտառակ ուժի կիրառում, ձեզ հայտնի վատ ձևով են բերել` ձեռնաշղթաներով»,– մանրամասնել է Ռուբեն Մելիքյանը։
Հիմնական վարույթը ստանձնելու է փաստաբան Վահան Հովհաննիսյանը։ Մելիքյանի խոսքով` այս պահին ևս Հովհաննիսյանը ներսում է, աշխատում է, անհրաժեշտության դեպքում իրենք էլ կմիանան։ Մելիքյանը տեղեկացրել է, որ ընթանում են քրեադատավարական ընթացակարգեր, մասնավորապես` խուզարկություն։
