Էլինա Ավանեսյանը հաղթել է Զագրեբի ԻՏՖ Վ100 մրցաշարում

Թենիսիստուհի Էլինա Ավանեսյանը դարձել է Զագրեբում անցկացված ԻՏՖ Վ100 մրցաշարի հաղթող, հայտնում են մարզական պարբերականները։

Գրունտային ծածկույթով մրցաշարի եզրափակիչ գոտեմարտում 23-ամյա հայուհին (ՎՏԱ 281) երկու սեթում՝ 6-1, 6-2 հաշվով, առավելության է հասել Շվեդիայի ներկայացուցիչ Ռինալդո Պերսոնի (ՎՏԱ 240) նկատմամբ։

Այս հաջողությունը Էլինայի համար վեցերորդ տիտղոսն է ԻՏՖ մակարդակի մրցաշարերում, ընդ որում՝ վերջին անգամ նա հաղթող էր հռչակվել 2023 թվականին։ Արդեն վաղվանից Ավանեսյանը Հայաստանի ազգային հավաքականի կազմում կմեկնարկի Բիլի Ջին Քինգի գավաթի խաղարկությունում հանդես գալու համար։