Ինչ է ակնարկել Պրիգոժինը Բրյանսկում ռուսական ավիախմբի կործանման կապակցությամբ
«Վագներ» մասնավոր ռազմական կազմակերպության ղեկավար Պրիգոժինն ակնարկել է, որ Բրյանսկի մարզում ռուսական ավիախմբի կործանմանն անմասն չէ ռուսական հակաօդային պաշտպանությունը:
«Չորս ինքնաթիռ, եթե նրանց ընկնելու վայրերում շրջան գծես, կստացվի, որ այս շրջանի տրամագիծը (և բոլորը գտնվում են շրջանագծի մեջ) 40 կիլոմետր է, այսինքն՝ շրջանագծի շառավիղը 20 է։ Հիմա մտեք ինտերնետ և տեսեք, թե հակաօդային պաշտպանության ինչ զինատեսակ է գործել այդ շրջանի կենտրոնում, ապա ձեւավորեք ձեր սեփական տարբերակները»,- Պրիգոժինի խոսքերն է մեջբերում Nyusinfo-ն։
Ավելի վաղ էլ Ուկրաինայի օդային ուժերի հրամանատարության մամուլի քարտուղար Յուրի Իգնատը հայտնել էր, որ Բրյանսկի շրջանում ռազմական կործանիչներն ու ուղղաթիռները խոցվել են ռուսական հակաօդային պաշտպանության կողմից:
