ՌԴ կառավարությունը չի աջակցել չծառայած քաղաքացիների համար մասնակի զորահավաքից ազատմանը

Ռուսաստանի Դաշնության Կառավարության օրինագծերի գործունեության հարցերով հանձնաժողովը չի աջակցել զինվորական ծառայություն չանցած քաղաքացիներին մասնակի զորահավաքից ազատելու նախաձեռնությանը, հայտնում է ՏԱՍՍ-ը։

Օրինագիծը մշակվել եւ Պետդումայի քննարկման է ներկայացվել «ԿՊՌՖ» խմբակցության պատգամավոր Միխայիլ Մատվեեւի կողմից։ Փոփոխություններով առաջարկվում է լրացնել «ՌԴ-ում զորահավաքի եւ զորահավաքի նախապատռաստման» մասին օրենքը։

Ինչպես նշված է Կառավարության հանձնաժողովի հետկանչի նախագծում, «Հայրենիքի պաշտպանությունը Ռուսաստանի Դաշնության քաղաքացիների պարտականությունն է՝ սահմանադրությանը համապատասխան»:

Բացի այդ, ըստ կառավարության, օրինագծի բացատրական գրության մեջ բացակայում է իրավակիրառական պրակտիկայի վերլուծությունը, որը «թույլ է տալիս որոշել նախատեսվող նորմերին համապատասխանող քաղաքացիների թիվը», ինչպես նաեւ  գնահատել նորարարության ազդեցությունը Ռուսաստանի Դաշնության զինված ուժերի, այլ զորքերի եւ ռազմական կազմավորումների զորահավաքային տեղակայման ապահովման տեսանկյունից՝ «ընդհանուր կամ մասնակի զորահավաքի պայմաններում».

«Ելնելով վերոնշյալից՝ պահանջվում է օրինագծի զգալի լրացում»,- ասվում է կառտավարության հետկանչի նախագծում։