Սոթքի հատվածում վիրավորված զինծառայողներից 2-ին տեղափոխել են Երևան

Ադրբեջանական կրակոցների հետևանքով Սոթքի հատվածում վիրավորում ստացած զինծառայողներից երկուսին Երևան են տեղափոխել։ Տեղեկությունը Sputnik Արմենիային հայտնել է ՊՆ–ի աղբյուրը։

«Չորս զինծառայողներից երկուսը Վարդենիսի հոսպիտալից տեղափոխվել են Երևան»,– ասել է զրուցակիցը։

Հիշեցնենք` մայիսի 11–ի ժամը 06:00-ից սկսած Ադրբեջանի ԶՈւ ստորաբաժանումները հրետանային և ականանետային միջոցներից կրակ են բացել Սոթքի մոտ տեղակայված հայկական դիրքերի ուղղությամբ: Հայկական կողմն ունի 4 վիրավոր։ Ադրբեջանի զինված ուժերը կրակ են բացել նաև վիրավորում ստացած զինծառայողին տեղափոխող շտապօգնության մեքենայի ուղղությամբ:

Ադրբեջանական կողմը հայտնում է մեկ զոհի մասին։