Կրկին երկրաշարժ Թուրքիայում․ ինչ է հայտնի
Թուրքիայի Քահրամանմարաշ մարզում, այսօր Երևանի ժամանակով 18:57-ին տեղի է ունեցել 4.0 մագնիտուդի երկրաշարժ:
Թուրքիայի արտակարգ իրավիճակների կառավարման կենտրոնը հայտնում է, որ ստորգետնյա ցնցումը գրանցվել է Գյոկսունից 10.4 կիլոմետր արևելք՝ 11.5 կիլոմետր խորության վրա: Տուժածների և ավերածությունների մասին տեղեկություններ չկան:
Հիշեցնենք, որ Քահրամանմարաշում և հարևան շրջաններում, փետրվարի 6-ի երկրաշարժի հետևանքով զոհվել է մոտ 51 հազար մարդ, ավելի քան 107 հազար բնակիչներ տարբեր աստիճանի վնասվածքներ են ստացել: Ավերվել է մոտ 345 հազար և վնասվել է մոտ 4 միլիոն շինություն:
Հարևան Սիրիայում այդ երկրաշարժի հետևանքով զոհվել է առնվազն 8 հազար 476 և վնասվածք է ստացել ավելի քան 14 հազար 500 բնակիչ:
