Թվային շարիաթ. Իրանում հիջաբ չկրող կանայք կրկին հալածվում են
Իրանում հիջաբ չկրող կանայք կրկին հալածվում են՝ այժմ «թվային շարիաթի» օգնությամբ, գրում է Meduza-ն։
Նշվում է, որ այնուամենայնիվ համակարգը վատ է գործում. օրինակ` տուգանվում են երկար մազերով տղամարդիկ։
Հիջաբը շարունակում է մնալ Իրանի գլխավոր խորհրդանիշներից մեկը։ Երկրի իշխանությունները գլխաշոր կրելու պարտավորությունը համարում են իսլամական համակարգի «սյուներից» մեկը, որից ոչ մի դեպքում չպետք է հրաժարվել։ Բայց բնակչության մի զգալի մասը ոչ միայն չի ընդունում հիջաբը, այլեւ պատրաստ է ակտիվորեն բողոքել դրանց դեմ։
Ապրիլի կեսերից երկրում բարոյականության համար պայքարի նոր արշավ է սկսվել, և իրենց նպատակներին հասնելու համար իշխանությունները փորձում են գործել մեղմ ու խորամանկ՝ չնչին սահմանափակումների և «խելացի տեսախցիկների» համակարգի օգնությամբ։
Սակայն, երկրի տեխնոլոգիական հետամնացության պատճառով նման միջոցառումներն այնքան էլ արդյունավետ չեն գործում, օրինակ՝ տղամարդկանց երբեմն տուգանում են առանց հիջաբի փողոց դուրս գալու համար։
