Ամերիկացի լրագրողը բացահայտել է, թե ինչու են Թաքեր Կարլսոնին հեռացրել Fox News-ից
Հեռուստահաղորդավար Թաքեր Կարլսոնին հեռացրել են Fox News-ից Ուկրաինայի նախագահ Վլադիմիր Զելենսկու պատճառով, Twitter-ում գրել է ամերիկացի լրագրող Ջեքսոն Հինքլը։
Նա նշել է, որ այս տեղեկությունն իրեն հայտնել և հաստատել է հավաստի աղբյուրը։
«…Կարլսոնի պաշտոնանկությունը պայմանավորված էր նրա անվախ զեկույցներով այն խելագարության մասին, ինչը կապված է Ուկրաինայի և Զելենսկու հետ», - ասել է Հինքլը:
Լրագրողը, որպես մեկ այլ փաստարկ, վկայակոչել է The Independent-ի հոդվածը, որտեղ նշվում է, որ Fox News-ի սեփականատեր Ռուպերտ Մերդոկը անհանգստացել է Ուկրաինայի իրավիճակի վերաբերյալ Կարլսոնի դիրքորոշմամբ և մինչ հեռուստահաղորդավարին աշխատանքից հեռացնելը զրուցել է Զելենսկու հետ։
Fox News-ը ապրիլի 24-ին հայտնել է, որ Կարլսոնը հեռանում է հեռուստաալիքից։ Ավելի ուշ պարզվել է, որ Բրայան Քիլմիդը կփոխարինի նրան լրատվական ծրագրում։
ԱՄՆ նախկին նախագահ Դոնալդ Թրամփն իր հերթին չի բացառել, որ Կարլսոնի՝ Fox News-ից հեռանալու որոշումը կայացվել է այն պատճառով, որ «նրան գործողությունների լիակատար ազատություն չի տրվել»։
