ՏԵՍԱՆՅՈՒԹ․ Պուգաչովան և Պեսկովը մասնակցել են Վալենտին Յուդաշկինի հրաժեշտի արարողությանը

Երգչուհի Ալլա Պուգաչովան ժամանել է Տրոեկուրովսկի գերեզմանատուն՝ հրաժեշտ տալու մոդելավորող Վալենտին Յուդաշկինին, ով մահացել է մայիսի 2-ին ծանր հիվանդությունից հետո։ Այս մասին հայտնում է ՏԱՍՍ-ը։

Ինչպես հաղորդում է գործակալության թղթակիցը, հրաժեշտի արարողությունը տեղի է ունենում Տրոեկուրովսկի գերեզմանատան սգո սրահում, որտեղ հետագայում կհուղարկավորվի Յուդաշկինը։

2022 թվականի գարնանը Պուգաչովան ընտանիքի հետ Ռուսաստանից մեկնել է Իսրայել։ Մայիսի 4-ին հայտնի դարձավ, որ երգչուհին վերադարձել է Ռուսաստան։ 

Ավելի ուշ երգչուհի Լայմա Վայկուլեն պաշտոնապես հաստատել է, որ Ալլա Պուգաչովան վերադարձել է Ռուսաստան՝ անձամբ հրաժեշտ տալու Վալենտին Յուդաշկինին։ Նա խոստովանել է, որ չի փորձել հետ պահել Պուգաչովային Ռուսաստան գալուց։

Հիշեցնեք՝ Ուկրաինա Ռուսաստանի ռազմական ներխուժման առաջին իսկ օրերից Գալկինը դատապարտել է պատերազմը: «Դուք Սուրբ Զատիկին աղոթում եք խաղաղության համար և միաժամանակ թևավոր հրթիռներ եք ուղարկում բնակելի շենքերի վրա», - ասել է արտիստը ռուս պաշտոնյաներին Օդեսայի հրթիռակոծությունից հետո: Պուգաչովան, ի տարբերություն Գալկինի, Ուկրաինա ռուսական ներխուժումից հետո ձեռնպահ մնաց պատերազմի մասին հրապարակային հայտարարություններից: Պատերազմի մեկնարկից հետո զույգը լքել էր Ռուսաստանը: 

Հավելենք, որ ՌԴ նախագահի մամուլի քարտուղար Դմիտրի Պեսկովը նույնպես ներկա է գտնվել հրաժեշտի արարողությանը։