Պրիգոժինն անդրադարձել է Պրիլեպինի մեքենայի պայթեցման դեպքին

«Վագներ» մասնավոր ռազմական խմբի հիմնադիր Եվգենի Պրիգոժինը, մեկնաբանել է մեքենայի հետ կապված արտակարգ դեպքը, որում գտնվում էր գրող և քաղաքական գործիչ Զախար Պրիլեպինը: Նա հույս է հայտնել, որ նրա հետ ամեն ինչ լավ կլինի: Տեղեկատվությունը փոխանցում է ՌԻԱ Նովոստին:

«Զախար, շնորհակալ եմ քեզ, որ երեկ մեզ աջակցեցիր։ Հուսով եմ, որ ձեզ հետ ամեն ինչ կարգին կլինի, մենք, ինչպես ասում են, մատները խաչ ենք անում, որպեսզի ամեն ինչ լավ լինի»,-նշում է Պրիգոժինը:

Հիեցնենք՝ Նիժնի Նովգորոդում անհայտ անձինք պայթեցրել են գրող, ակտիվիստ Զախար Պրիլեպինի մեքենան. նա ողջ է մնացել, բայց վիրավորումներ ստացել։ Իրավապահ մարմինները հայտնել են, որ արտակարգ դեպքի հետևանքով մահացել է Պրիլեպինի վարորդը: